МУГЖ Д.Отгонбаяр, төгөлдөр хуурч Б.Чинбат нар хөгжмийн багш нарт хичээл заав

2021-10-04 254 0

МУГЖ Д.Отгонбаяр, төгөлдөр хуурч Б.Чинбат нар хөгжмийн багш нарт хичээл заав

Цэцэрлэг, сургуулийн хөгжмийн багш нарыг чадавхжуулах сургалтыг зохион байгууллаа. Монгол Улсын хэмжээнд байгаа 1700 гаруй багш нарын төлөөлөл болгож эхний ээлжид аймаг, дүүрэг бүрээс дөрвөн багш буюу нийт 120 багшийг энэхүү сургалтад хамрууллаа.

Сургалтын багшаар Төрийн соёрхолт, зууны манлай бүжиг дэглээч С.Сүхбаатар, Хурд хамтлагийн гитарчин, МУГЖ Д.Отгонбаяр, төгөлдөр хуурч Б.Чинбат, дуучин Э.Дашням, Монголын бүжгийн академийн тэргүүн Д.Сувдмаа нар ажиллажээ.

Сургалтад оролцсон 120 хөгжмийн багш сургууль бүртээ очиж сургалтаа бусад багш нартаа түгээх ментор багш хийх юм. Ийнхүү багш нар хүүхдүүддээ Уртын дууны амьсгалын дасгал, бие биелгээ, хөгжимт хөдөлгөөний зохиомжийг зааж, авьяаслаг сурагчдынхаа уран бүтээлд уран сэтгэмжээр дууны найруулга, дуу бичлэгийн анхны хичээлийг заах боломж бүрдэж байна.

 

Эх сурвалж: БШУЯ

Холбоотой мэдээ