Допинг хэрэглэсэн бөхийн барилдах эрхийг 4 жилээр хасч 40 саяар торгоно

2021-05-17 20 0

Монголын Үндэсний бөхийн холбооны Цэцдийн зөвлөлийн ээлжит хурал Тавдугаар сарын 15-ны өдөр боллоо.

Хуралдаанд Цэцдийн зөвлөлийн 67 гишүүнээс 46 гишүүн оролцсон байна. Орон нутгийн төлөөлөгчид болон зарим төлөөлөгч хүндэтгэх шалтгааны улмаас цахимаар хуралд оролцжээ.

Тус хуралдаанаар МҮБХ-ны ээлжит бус “Их Эе”-ийг 2021 оны Тавдугаар сарын 29-ний өдөр зохион байгуулахаар товлолоо.

Мөн Цэцдийн зөвлөлийн гишүүдээс давхардсан, гадаад явсан, нас барсан гишүүдийн оронд нөхөн бүрдүүлэлт хийж, улсын аварга Ч.Санжаадамба, Баян-Өлгий аймгийн Цэнгэл сумын харьяат, аймгийн арслан Х.Айдос, Өмнөговь аймгийн Хүрмэн сумын харьяат, аймгийн начин Ш.Баянбат нарыг гишүүнээр сонгожээ.

“Их Эе” хуралд 256 төлөөлөгч оролцох бөгөөд улсын заан, гарьд, арслан, аварга цолтнууд, сонгуульт хугацаанд тэргүүлэгчдээр ажилласан гишүүд шууд оролцох ба аймаг бүрээс харцага, начин, аймгийн цолтон, бөхийн зүтгэлтний төлөөлөл 5, аймгуудын бөхийн холбооноос 2 төлөөлөл, жаяг дэгийн багийн гишүүдийн төлөөлөл заасан тоогоор оролцох ажээ.

Хуралдааны үеэр хэлэлцсэн гол асуудал нь Үндэсний бөхийн барилдааны дүрмийг хэлэлцэж, олонхийн саналаар “Барьц сонгох” заалтыг хассан явдал байлаа. Энэ заалт дүрэм батлагдсан өдрөөс мөрдөгдөх юм байна.

Цэцдийн зөвлөлийн хурлаар дараах асуудлуудыг хэлэлцэн шийдвэрлэжээ.

1. МҮБХ-ны ээлжит бус “Их Эе”-ийг 2021 оны Тавдугаар сарын 29-ний өдөр зохион байгуулахаар товлолоо.

2. “Их Эе”-д 256 төлөөлөгч оролцох бөгөөд улсын заан, гарьд, арслан, аварга цолтонгууд, сонгуульт хугацаанд тэргүүлэгчдээр ажилласан гишүүд шууд оролцоно. Аймаг бүрээс харцага, начин, аймгийн цолтон, бөхийн зүтгэлтний төлөөлөл 5, аймгуудын бөхийн холбооноос 2 төлөөлөл, жаяг дэгийн багийн гишүүдийн төлөөлөл заасан тоогоор оролцоно.

3. “Их Эе”-д бэлдэх ажлын хэсэгт Улсын аварга Ч.Санжаадамба, улсын гарьд Б. Гончигдамба, улсын харцага Н.Батзаяа, улсын начин А.Алтанхуяг, аймгийн арслан Х.Айдос нарыг сонгов. Ажлын хэсгийн гишүүд МҮБХ-ны дүрмийн төслийг боловсруулах, хурлын ирц, орон нутгаас ирэх төлөөлөгчдийн асуудлуудыг хариуцан ажиллана.

4. Барилдааны дүрмээс “Барьц сонгох” заалтыг хаслаа. Энэ заалт дүрэм батлагдсан өдрөөс мөрдөгдөнө. Барьц сонгох заалтыг хассан тул хоёр бөхийн давах шийдлийн хамгийн зөв хувилбаруудыг судалж, Ээлжит бус Их Эе хурлаас өмнө барилдааны дүрэмд оруулах ажлын хэсэг байгууллаа. Энэ ажлын хэсэгт улсын гарьд Б.Гончигдамба, улсын заан Б.Соронзонболд, улсын харцага Т.Өсөх – Ирээдүй, улсын начин Н.Бүрэнбаатар нарыг сонгов.

5. Барилдааны дүрэмд камераар шүүх заалт оруулав.

6. Барилдааны дүрэмд допингийн хариуцлагыг дараах байдлаар өөрчлөн оруулав.

Түүнчлэн барилдааны дүрэмд допингийн хариуцлагыг дараах байдлаар өөрчлөн оруулсан байна.

Үүнд: 

  • МҮБХ-ноос барилдааны үеийн явцын шинжилгээг авна.
  • МҮБХ өөрийн зохион байгуулсан болон төрийн байгууллагуудтай хамтран зохион байгуулалцсан барилдаанаас допингийн шинжилгээгээр зөрчил гаргасан бөхийн барилдах эрхийг 4 жилээр хасах, 40 сая төгрөгийн мөнгөн торгууль оноох, дахин илэрвэл 8 ба түүнээс дээш жилээр бүх төрлийн барилдаанд оролцох эрхийг нь хасах.
  • Хэрэв эрх хассан хугацаанд ямар нэгэн барилдаанд барилдвал тэр хугацаанаас шийтгэлийн хугацааг дахин үргэлжлүүлэн тооцох,
  • Допингийн шинжилгээ авах, хяналт тавихад бөхийн дэвжээдийг татан оролцуулах,

7. Үндэсний их баяр наадмын тухай хуульд нэмэлт өөрчлөлт оруулах төслийг хэлэлцэж эцэслэн, хууль санаачлагчддад өргөн барихад бэлэн боллоо гэж МҮБХ-оос мэдээллээ.

Холбоотой мэдээ